wolak waliking zaman

October 9, 2015 by abahzaky2014

“WOLAK-WALIKING ZAMAN”
– Wolak waliking jaman

– Sing penting dianggep ora penting

– Sing ora penting dipenting-pentingno

– Sing apik dielek-elek

– Sing elek dianggep apik

– Sing bener disalahke

– Sing salah dibener-benerke

– Sing jane tontonan dianggep tuntunan

– Sing mestine tuntunan malah dadi tontonan
– Ora ono manungso sing sempurno

– Ora ono manungso sing ora nduwe dosa

– Mulo podho enggal-enggal tobato

– Mumpung durung ditimbali sing KUWOSO
– Zamane zaman edan

– Akeh menungso podho lali karo pengeran

– Ngaku agamane Islam nanging ora gelem sembahyang

– Hobine maksiat sak ndalan-dalan

– Nyambut gawe podho sungkan

– Bandane negoro-ne malah digawe rayahan
– Zamane-zaman maju

– Akeh wong wadhon podho kemayu

– Yen bengi podho metu ngguya-guyu 

– Mung trimo mamerne pupu

– Turut ngisor wit waru

– Jebule mung payu sewu
– Zamane-zaman globalisasi 

– Akeh wong wes lali karo dzat kang moho suci, duwit korupsi dianggep rejeki

– Akeh santri sing podho gak gelem ngaji

– Ugo akeh KYAI sing lali karo santri

– Malah MELU-MELU REBUTAN KURSI..
– Manungso kuwi dititah podho

– Nanging yen masalah bondo dijatah bedo

– Mulo manungso iku wajibe mung usaha karo ndonga

– Entuk rezeki sepiro atine seng nrimo

– Gak usah meri karo konco sak podho-podho
– Akeh wong stres mergo uripe gak beres

– Rino wengi mung mburu ndonya

– Njur lali karo agomo
– Ojo podho nggersulo ndak gelis tuwo

– Wong yen nrimo uripe dowo

– Wong sing sabar rejekine jembar

– Wong yen ngalah uripe bakal barokah

– Sopo seng jujur uripe makmur

– Wong suloyo uripe rekoso

– Wong seng sombong amale kobong

– Sopo sing tlaten tembe mburi bakal panen
– Akeh wong ngaku Islam agamane 

– Tapi tumindake sak karepe dewe
– Zamane wes zaman tuwo 

– Akeh manungso wis angel ditoto karo tuntunane agomo

– Senengane malah podho gae dosa

– Tumindak dosa sak bendino podho ra kroso
– Sitik-sitik ra ketoro

– Suwe-suwe dadi cetho

– Koyo wong tumindak dosa dilakoni sak bendino

– Dosa lantaran omo gan

– Lantaran kuping lan tangan

– Kadang-kadang ora kroso mergo pancen wes kulino
– Sing ati-ati lan

waspodho

– Menowo siro ngobrol karo konco

– Ngrasani tonggo

– Ngojah alane liyo

– Kadang ra rumongso awake gawe dosa 
– Ayo mumpung durung telat

– Enggal-enggal podho tobat

– Timbang ning akhirat siro mbesok nompo adzab

– Mung dosa epele kang ora dirasake

– Nanging gedhe akibate marang awake dewe
– Mumpung isih urip

– Ngibadaho kanti tertib

– Ngelingono yen wes mati 

– Ora bakal iso bali
– Mumpung isih waras

– Ibadaho kanti ikhlas

– Ngelingono yen wis lara

– Ora biso opo-opo
– Mumpung isih longgar

– Ibadaho kanti sabar

– Ngelingono yen wis repot 

– Ibadah rasane abot
(*) Disarikan dari kiriman naskah Kyai Amir

Tanggalan

October 2015
M T W T F S S
 1234
567891011
12131415161718
19202122232425
262728293031  

Blog Stats

  • 140,755 hits
web
statistics